ગઝલ

ગઝલ

આમ તો દેખાવમાં અટકી ગયો છું.
વાસ્તવે ખુદમાં જ હું ભટકી ગયો છું

હાથમાં આવી ગયો છું આફતોના,
દોસ્ત એવું નાં કહો છટકી ગયો છું

એક ડી અંજન ખુશીનું મેં ય આંજ્યું,
કૈકની આંખે પછી ખટકી ગયો છું

બે ય કાઠાએ ઉઠાવ્યો લાભ મારો,
સેતુ થઇ વચમાં જ હું લટકી ગયો છું.

gazal

નજરુંનો ઝૂલે છે ઝૂલો આ બારીથી પેલી બારી.

સ્મિતના લઈને મબલખ ફૂલો આ બારીથી પેલી બારી.

એ બારીમાં ચાંદો સૂરજ આ બારીમાં આંખો તગતગ,

જીવ પડે છે રોજે ભૂલો આ બારીથી પેલી બારી.

એ બારીથી આ બારી લગ ઉભી છે ભરચક ઈચ્છાઓ,

વચ્ચે રસ્તો આખો ખુલો આ બારીથી પેલી બારી.

સપનાનો ઉઠતો ધૂમાડો આંખોમાં પાણી લાવે છે,

ખાલીપાનો બળતો ચૂલો આ બારીથી પેલી બારી.

gazal

ગઝલ

એ કહે જજબાત જેવું કઈ નથી.

મેં કહ્યું જા વાત જેવું કઈ નથી.

શત્રુઓ હરખાવ છો શા કારણે ?

આ તરફ આઘાત જેવું કઈ નથી.

જાત એની છે જ એવી શું કહું ?

સ્વપ્નને ઓકાત જેવું કઈ નથી.

ઠેશ માફક એ મળે છે રાહમાં,

દોસ્ત ! મુલાકાત જેવું કઈ નથી.

દી ફર્યો એની જ મસ્તી છે બધી,

એમને ત્યાં રાત જેવું કઈ નથી.

આ તરફ પાછી વાળો ઈચ્છા બધી,

એ તરફ ખેરાત જેવું કઈ નથી.

જે થયું તે , ખેદ જેવું કંઈ નથી.
જા, હવે મતભેદ જેવું કંઈ નથી.

હું નથી એની ગણતરીમાં હવે,
એ કહે છે છેદ જેવું કંઈ નથી.
...
જિંદગીમાં લેશ આઝાદી નથી,
કેદ છું ને કેદ જેવું કંઈ નથી.

જે બતાવ્યું જોશીડાએ , ક્યા ગયું ?
હાથમાં તો છેદ જેવું કંઈ નથી.

કૈક શાખાઓ વહે છે અશ્રુની,
દેહ પર પ્રસ્વેદ જેવું કંઈ નથી.

- બી.કે.રાઠોડ "બાબુ"

Ghazal 60

Ghazal 59

Ghazal 58

Ghazal 57

Ghazal 56